இக்கோயிலின் படம்                                                                                                                              மூடுக / திறக்க

	பதிக வரலாறு		பாடல் : 1 2 3 4 5 6 7 8 9 10

திருநாவுக்கரசர் காஞ்சிநகர் மறுகுட் போந்து கம்பர் செம்பொற்கோயில் குறுகினார் , திருவாயிலைப் பணிந்தெழுந்து செல்வத் திருமுன்றிலை அணைந்து , ( அக் ) கருவார் கச்சித் திரு வேகம்பர் கனகமணி மாளிகை சூழ்ந்து , செம்பொன்மாலை வல்லி தழுவக் குழைந்த மணிமேனிப் பெருவாழ்வினை முன் கண்டு இறைஞ்சிப் பேரா அன்பு பெருகினார் , கண்ணருவி மயிர்க்கால் தோறும் வரும்புளகம் ஆர்ந்த மேனிப்புறம்பு அலைப்ப , அன்பு கரைந்து என்பு உள் அலைப்ப , நயனம் பயன் பெற்றுத் திளைப்பத் திருவேகம்பரை மனத்தில் உறவைத்து எல்லாச் செந்தமிழ் மாலையும் பாடினார் . ஆர்வம் உறப்பணிந் தேத்தி ஆய்ந்த தமிழ்ச் சொல் மலரால் சார்வுறும் அம்மாலை களுள் ஒன்று இத்திருப்பதிகம் ( தி .12 அப்பர் புரா , 321 - 26).