வெள்ளிய பிறைமதி தோன்றும் குளிர்ந்த இள வேனிற் காலத்திலே காமத்தை விளைக்கும் மன்மதன் வெந்தழியும்படி புருவநெரித்தவன், நெறிகடந்த மும்மதில் தீயெழுந்தெரியுமாறு நோக்கிய இன்னம்பர் ஈசனே.

வெண்பிறை விரியும் தண்ணிள வேனிலில் என்க. வெண் பிறை விரியும் - வெள்ளிய பிறைமதி தோன்றும். தண் - குளிர்ந்த. இள வேனிலில் - இளவேனிற்காலத்து மாலை நேரத்தே. புரியும் காமனை - காமத்தை விளைப்பவனாகிய மன்மதனை. வேவப் புருவமும் திரியும் - வெந்தழியப் புருவநெரிப்புச் செய்பவன். எல்லையில் - அழிவில்லாத ; நெறிகடந்த எனினும் ஆம். நோக்கிய - பார்த்த.