கார்காலத்திலே மலர்தலைக்கொண்ட கொன்றையின் மணமிக்க மலர்களைக் கண்ணியாக அணிந்தவனது பெருமை கொண்ட திருநாமமாகிய சிவன் என்று அரற்றுவார் ஆராயினும் ஆக ; அவர்களை நீர் சாரப்பெறாதீர் ; நீங்குவீராக.

கார் காலத்தே மலர்தலைக் கொண்ட. கடிமலர் - மணம் பொருந்திய மலர். கண்ணியான் - தலை மாலையை உடையவன். சீர் கொள் நாமம் - சிறப்பைக்கொண்ட திருப்பெயர். சிவன் என்று - சிவ பெருமான் என்று. அரற்றுவார் - பலகாலும் சொல்வார்கள். ஆர்களாகிலும் ஆக - யாராயிருந்தாலும் இருக்கட்டும். நீர்கள் - நீங்கள். சாரப்பெறீர் - அடையாதீர்கள் இங்கும் நீங்குமே.