மேன்மைபொருந்திய உயர்வுடன் நீண்ட கொம்பினையுடைய எருமைகள் தாமாகப் பால்சொரிந்த குளங்களில், செங்கயல் மீன்கள் பாய்ந்தோடலால், அங்கு அவைகளால் தெளித்திடப் பெறுகின்ற பாலுடன் சேர்ந்த நீர், தாமரை மலர்களில் பட, அதனால் நறுமணமுடைய தாமரை மலர்களும், இனிய பால் மணம் கமழ்ந்து நிற்கும். அதுவன்றியும், மேகங்கள் தோயும் மாடங்களின் மருங்கில் ஒரு சிறிது நேரம் படிந்திடும் மேகங்களும் அவை பொழிந்த நீரும், அந்தணர் வேள்வியில் வளர்த்திடும் ஓமப்புகையில் தோயலால், அவ் ஓமப்புகையின் இனிய மணம் அவற்றில் கமழ்ந்து நிற்கும்.

தாமரையில் எருமைப்பாலின் மணமும், மேகத்தினின் றும் பொழிகின்ற நீரில் ஓம நறும் புகையின் மணமும் கமழுகின்றன.