திருமுறை 10 - பதிகம் - பன்னிரு திருமுறை பாட்டும் பொருளும்

பத்தாம் திருமுறை
1237 பதிகங்கள், 3000 பாடல்கள்

விநாயகர் வணக்கம்


			பாடல் : 1

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 1

ஐந்து கரத்தனை யானை முகத்தனை
இந்தி னிளம்பிறை போலும் எயிற்றனை
நந்தி மகன்றனை ஞானக் கொழுந்தினைப்
புந்தியில் வைத்தடி போற்றுகின் றேனே.

× 1000001பதிக வரலாறு :

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

ஐந்து கைகளையும், யானை முகத்தையும், சந்திரனது இளமை நிலையாகிய பிறைபோலும் தந்தத்தையும் உடையவரும், சிவபிரானுக்குப் புதல்வரும், ஞானத்தின் முடி நிலையாய் உள்ளவரும் ஆகிய விநாயகப் பெருமானை உள்ளத்தில் வைத்து, அவரது திருவடிகளைத் துதிக்கின்றேன்.

குறிப்புரை:

`இந்து` என்பது வடசொல்லாதலின் இன்பெறாது என்று, `இந்து விளம்பிறை` எனப்பாடம் ஓதுவாரும் உளர். `நந்தி` என்பது சிவபெருமானுக்கே பெயராதல் அறிக. திருமூலர் தமது நூலை ``ஒன்றவன்முன்`` எனத் தொடங்கினார் என்பது சேக்கிழார் திருமொழி யாதலின், இது, பிற்காலத்தில் இந்நூலை ஓதுவோர் தாம்முதற்கண் ஓதுதற்குச் செய்து கொண்டது என்க. திருமுறைகளுள் ஒன்றிலும் முதற்கண் விநாயகர் காப்பு இல்லாமையும், சாத்திரங்களிலும் உந்தி, களிறு முதலிய சிலவற்றில் இல்லாமையும் நோக்கத்தக்கன. ``ஒன்றவன்றான் எனஎடுத்து முன்னிய அப்பொருள்மாலைத் தமிழ் மூவாயிரம் சாத்தி`` என்பதே சேக்கிழார் திருமொழியாகலின், இந் நூலின் தொடக்கப்பாடல் ``ஒன்றவன்றானே`` என்னும் பாடலே என்பது இனிது விளங்கும்.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

వినాయక ప్రార్థనా స్తుతి

నా హృదయాంతరాన బూజింతు భక్తి పారవశ్యమున యతని పరమ పవిత్ర చరణములను,
పంచ హస్తముల నలరారు వాని పాదములను,
ఎవని ముఖంబున గజరాజ గాంభీర్యమొప్పు,
ఎవని యేకదంతంబు నెలవంక బోలియుండు,
ఎవడు నందికి యభిమాన బిడ్డ,
ఎవడు పరిశుద్ధ పరిపూర్ణ జ్ఞాన ప్రవాహంబు,

[అనువాదము: సత్యనారాయణ మూర్తి చక్రవర్తుల, యానాం, 2009]