3. இருபா விருபது
001 இருபா இருபது
 
இக்கோயிலின் காணொலி                                                                                                                 மூடுக / திறக்க

 

Get Flash to see this player.


 
காணொலித் தொகுப்பை அன்பளிப்பாகத் தந்தவர்கள்
இராம்சி நாட்டுபுறப் பாடல் ஆய்வு மையம்,
51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.


 
இக்கோயிலின் படம்                                                                                                                              மூடுக / திறக்க
 
பாடல் : 1 2 3 4 5 6 7 8 9 10 11 12 13 14 15 16 17 18 19 20
பாடல் எண் : 2

கண்ணகன் ஞாலத்துக் கதிரவன் றானென
வெண்ணெய்த் தோன்றிய மெய்கண்ட தேவ
காரார் கிரகக் கலியாழ் வேனைநின்
பேரா வின்பத் திருத்திய பெரும

5. வினவ லானா துடையேன் எனதுளம்
நீங்கா நிலைமை யூங்கு முளையால்
அறிவின் மைமலம் பிறிவின் மையெனின்
ஓராலினை யுணர்த்தும் விராய்நின் றனையேல்
திப்பியம் அந்தோ பொய்ப்பகை யாகாய்

10. சுத்தன் அமலன் சோதி நாயகன்
முத்தன் பரம்பர னெனும்பெயர் முடியா
வேறுநின் றுணர்த்தின் வியாபக மின்றாய்ப்
பேறுமின் றாகும் எமக்கெம் பெரும
இருநிலந் தீநீர் இயமானன் காலெனும்

15. பெருநிலைத் தாண்டவம் பெருமாற் கிலாதலின்
வேறோ வுடனோ விளம்பல் வேண்டுஞ்
சீறி யருளல் சிறுமை யுடைத்தால்
அறியாது கூறினை யபக்குவ பக்குவக்
குறிபார்த் தருளினங் குருமுத லாயெனின்

20. அபக்குவ மருளினும் அறியேன் மிகத்தகும்
பக்குவம் வேண்டிற் பயனிலை நின்னாற்
பக்குவ மதனாற் பயன்நீ வரினே
நின்னைப் பருவம் நிகழ்த்தா தன்னோ
தன்னொப் பாரிலி யென்பதுந் தகுமே

25. மும்மலஞ் சடமணு மூப்பிள மையின்நீ
நின்மலன் பருவம் நிகழ்த்திய தியார்க்கோ
உணர்வெழு நீக்கத்தை ஓதிய தெனினே
இணையிலி யாயினை யென்பதை யறியேன்
யானே நீக்கினுந் தானே நீக்கினுங்

30. கோனே வேண்டா கூறல் வேண்டுங்
காண்பார் யார்கொல் காட்டாக் காலெனும்
மாண்புரை யுணர்ந்திலை மன்ற பாண்டியன்
கேட்பக் கிளக்கு மெய்ஞ்ஞா னத்தின்
ஆட்பா லவர்க்கருள் என்பதை யறியே.
 
இப்பாடலின் குரலிசை                                                                                                                           மூடுக / திறக்க



 
 

பொழிப்புரை :

கண்ணகன் ஞாலத்துக் கதிரவன் றானென இடமகன்ற புடவியில் ஆதித்தனையொக்க (இதன்றிக் கண்ணை விட்டு இருள் மறைப்பு நீங்கிய உலகத்தை இரவி கிரணத்தாலே இருளோட்டி அந்த ஞாலத்தைக் காட்டிய முறைமைபோல என்பாரு முளர்); வெண்ணெய்த் தோன்றிய மெய்கண்ட தேவ ஆணவமலத்தாலே மறைப்புண்டுகிடந்த என்னைக் காட்டுதற்குத் திருவெண்ணெய் நல்லூரிலே தோன்றியருளும் மெய்கண்டதேவனே; காரார் கிரகக் கலி யாழ்வேனை நின் பேரா இன்பத்து இருத்திய பெரும கலியாகிய அஞ்ஞானச் சிறையிலே யகப்பட்டுத் துக்கமுற்றழுந்தும் என்னை உனது நீங்காத ஆனந்தத்திலே யிருத்திவைத்த தலைவனே; வினவ லானா துடையேன் அடியேன் தேவரீரை யொருவினாவுத லுடையேனாகின்றேன் அமையாதவனாதலால், அவ்வினாவாவது; என துளம் நீங்கா நிலைமை யூங்கும் உளையால் என்னிடத்து விட்டு நீங்காமல் நிற்குமுறைமை அனாதியிலுமுண்டாவையாகையால்; அறிவின்மை அப்பொழுது தேவரீரை யறியாதிருப்பானேனென்ன; மலம் பிறிவின்மை யெனின் மலம் நீங்காமையால் தெரிந்திலையெனின்; ஒராலினை யுணர்த்தும் ஆனால் இப்பொழுது தேவரீர் இந்த அறியாமல் (=அறியாமை) போமளவும் ஓரிடத்தொதுங்கி நின்றீரோவென வினாவில்; விராய் நின்றனையேல் எவ்விடத்தும் நிறைந்து நிற்பேனென்று சொல்லுகின்றீராயின்; திப்பியம் அந்தோ பொய்ப்பகை யாகாய் ஈதொரு தெய்வீகமானதோர் ஆச்சரியம், அப்படி யிருளோடு கூடி நிற்கிலும் இருட்குப் பகையாவனென்பது மில்லையாம், அதுவுமின்றி; சுத்தன் அமலன் சோதி நாயகன் முத்தன் பரம்பர னெனும்பெயர் முடியா அனாதிசுத்தன் நின்மலன் ஓங்கொளி பாசப்பகைவன் ஆன்ம நாயகன் முத்தசித்து மேலாகிய பரன் என்னும் பெயர் உமக்குண்டாகாது; வேறுநின் றுணர்த்தின் வியாபக மின்றாய்ப் பேறு மின்றாகும் எமக்கு எம் பெரும அத்தன்மை கூடிநிற்றலின்றி வேற்றுமையாக நின்று அறிவிப்பே னென்னின் வியாத்தனென்பது மில்லையாய்ச் சாயுச்சியப் பேறும் எமக்கில்லையாம், எங்கோவே; (வியாத்தமின்றாய் என்பதற்கு ஆன்மாவை நீங்கி நின்றறிவிப்பேனென்னின் ஆன்மாவுக் கறிவில்லை யென்று சொல்லுவாருமுளர்.) இருநிலந்தீநீர் இயமானன் காலெனும் பெருநிலைத் தாண்டவம் பெருமாற் கிலாதலின் ‘இருநிலனாய்த் தீயாகி’(அப்பர் 6 : 94 :1) என்னுந் திருப்பாட்டின்படி நின்றவையுடையே னென்கிறதுந் தலைவனே யுனக்கில்லை யாதலால்; வேறோவுடனோ விளம்பல்வேண்டுஞ் சீறியருளல் சிறுமையுடைத்தால் தேவரீர் நிலைமை வேற்றுமையாயோ வேறறக்கூடியோ நிற்பதென்று அருளல் வேண்டும், ஆன்மாவுக்கு அஞ்ஞானமே குணம் ஆதலில் தேவரீர் திருவுள்ளங் கோபமுண்டாவதல்ல; அறியாது கூறினை அபக்குவ அபக்குவனாகையாலே இரவியுங் கண்ணும் இருளும்போல நின்ற நிலைமையறியாது கூறினை; பக்குவக்குறி பார்த்தருளினம் குருமுதலாய் எனின் பக்குவமாகியவனைப் பார்த்து நாம் குருவாய் வந்து தோன்றுவோமென்று அருளினையாயின்; அபக்குவம் அருளினும் அறியேன் மிகத்தகும் பக்குவம் வேண்டிற் பயனிலை நின்னால் தேவரீல் குருவாயெழுந்தருளி யுபதேசிக்கிலும் அபக்குவனாதலாலறியேன், மிக்க பக்குவம் வேணுமாயின் தேவரீரை வழிபட வேண்டாம், அந்தப் பக்குவத்தையே வழிபட வேண்டுமத்தனை; பக்குவ மதனாற் பயன் நீ வரினே அப்படியன்று, பக்குவமுண்டாவதுந் தேவரீர் எழுந்தருளுகின்றதென் றருளினீராகில்; நின்னைப் பருவம் நிகழ்த்தாது அன்னோ தன்னொப்பாரிலி என்பதுந் தகுமே தேவரீரைப் பக்குவம் அறிவிக்க மாட்டாது, அறிவிக்குமாகில் அந்தப் பக்குவம் முதலியாம், அதனால் தேவரீர் இணையிலியென்பதும் நன்றாமே; மும்மலஞ் சடமணு மூப்பிளமையில் நீ நின்மலன் பருவம் நிகழ்த்தியது யார்க்கோ அந்தப் பக்குவம் மலங்கட்கென்னில் அவை சடமாதலால் அதற்கு வேண்டாம், ஆன்மாவுக் கென்னின் மூப்பிளமை யில்லையாதலால் ஆன்மாவுக்கும் வேண்டாம், தேவரீர்க்கென்னின் தேவரீர் நின்மலனாதலால் தேவரீர்க்கும் வேண்டாம், இப்பக்குவம் யார்க்கு நிகழ்த்தியதோ வென்னின்; உணர்வெழும் நீக்கத்தை ™ஓதியதெனினே இருவினை யொப்புஞ் சத்திநிபாதமுண்டாய் ஞானம் பிரகாசிக்குமிடத்து மறைப்பு நீங்கு மவதரத்தைக் காணப் பக்குவ மென்றீராயின்; இணையிலி யாயினை யென்பதை யறியேன் தேவரீர்க்கும் இணையிலி யென்பதில்லையாமது யாதெனின்; யானே நீக்கினுந் தானே நீங்கினுங் கோனே வேண்டா கூறல் வேண்டும் அவ்விருள் பக்குவத்திலே தானே நீங்குமாயினும் நானே நீக்குவேனாயினுந் தேவரீர்வேண்டாவாம், இத்தன்மை யருளவேண்டும் அது வருமுறைமை; காண்பார் யார்கொல் காட்டாக்கால் எனும் மாண்புரை யுணர்ந்திலை மன்ற பாண்டியன் கேட்பக் கிளர்த்த மெய்ஞ்ஞானத்தின் ஆட்பாலவர்க்கருள் என்பதை யறியே ‘ஆட்டு வித்தாலாரொருவ ராடாதாரே’ (அப்பர் 6 :95:3) என்னுந் திருப்பாட்டிலே ‘காண்பாரார் கண்ணுதலாய்க் காட்டாடக்கலே’ யென்றதை நிச்சயமாக அறிந்தாயில்லை, அதுவுமன்றிப் பாண்டியன் காண எழுதி வைகையிலிட்ட மெய்ம்மைப் பொருளில் ‘ஆட்பா லவர்க்கருளும் வண்ணமும்’ (சம்பந்தர் 3 : 54 : 4) என்னுந் திருப்பாட்டின்படிக் கொள்வதுமே அறிவேனென்றவாறு.

குறிப்புரை :

ஆங்கிலத்தில் பாடலைப் புரிந்து கொள்ள / Translations:

  • English / ஆங்கிலம்
The Nature of God

O Lord Meikandan who made Your avatar
In Vennainallur and who is like the sun
That chases away the murk of the wide
And extensive earth!
O you, the divine One, who retrieved me
From the prison of murky nescience which is Kali
And steeped me in Your endless Bliss!
Permit me to place before You a question.
You are one with me beginninglessly.
Yet how is it that I did not cognize You then?
If you say it is because I am mala-ridden,
It would mean you dwelt apart from me
Till Aanavamala’s disappearance from me.
Your pervasion is ubiquitous.
So, it is to be deemed as a wonder indeed,
As nescience is still clinging to me
Notwithstanding Your universal pervasion.
So, the dictum that You are the Foe unto Murk
Stands falsified.
Again Your absolute purity, eternal freedom
From malas, Your lordship of Light, Liberation
And supreme Godhead disbecome You.
If You, my Lord, say that You stand apart
Whilst You enlighten me, alas,
Your cosmic pervasion stands jeopardized.
Again Your confrment of deliverance
Ceases to be true.
How can I accept as true the great
Taandaka Hymn which hails you as totally
Pervading the great earth, fire, water, soul and air?
So, do tell me if You are one with me
Or distanced from me?
Do not feel enraged at my parviscience.
If You say that I speak out of ignorance
Lacking mellowness, and that as guru
You grace me when I gain mellowness,
I still maintain that your enlightenment
As guru, will be of no avail to me
Who continue to be raw and incompetent.
If maturity alone counts then I should
Adore that and not You. If however You aver
That Your advent synchronises with my gain
Of mellowness, I will yet contend
That my mellowness cannot force Your advent.
If it does, it is mellowness that becomes primal
And your unrivalled primacy is at shake.
If it is said maturity has reference
To the three malas, it cannot be so,
As the three malas are jada (inanimate);
The soul too needs no mellowness, as it is
Free from infancy, youth and dotage.
As you are ever free from malas, you too do not
Need it. So, I ask; “Who or what is in need
Of mellowness?” if you say that the hour
Of mellowness is marked by the soul’s liberation
From nescience thanks to it iruvinai-oppu
And the advent of Satthinipaatam which
Nullifies the power of Aanavamala,
Can it, I ask you, bespeak your peerlessness?
If you asseverate that the removal
Of Aanavamala is indeed mellowness, then
I ask: “Does that mala by itself move away
From me? Or is it the soul that discards it?”
In either case, your help, O Ruler, is superfluous.
I know nothing happens but for you.
So, what indeed is the role of mellowness?
What indeed is its meaning? Please clarify.

The guru answers:
Alas, you, the soul, know not the message
Of the hymn that affirms thus:
“Who can behold at all if the brow-eyed Lord
Does not choose to reveal?”
So, learn of the truth taught to the Paandya
Which says: “Limit there is none for Siva’s
Primal majesty and the ways through which
He graces the souls; cease questioning”.
Translation: Dr. T. N. Ramachandran,Thanjaavoor ,2003

ஆங்கிலத்தில் பாடல் படிக்க / Transliteration


  • Afrikaans/Creole/Swahili/Malay/
    BashaIndonesia/Pidgin/English
ka'n'nakan gnaalaththuk kathiravan 'raanena
ve'n'neyth thoan'riya meyka'nda thaeva
kaaraar kirakak kaliyaazh vaenai:nin
paeraa vinpath thiruththiya peruma

5. vinava laanaa thudaiyaen enathu'lam
:neengkaa :nilaimai yoongku mu'laiyaal
a'rivin maimalam pi'rivin maiyenin
oaraalinai yu'narththum viraay:nin 'ranaiyael
thippiyam a:nthoa poyppakai yaakaay

10. suththan amalan soathi :naayakan
muththan parampara nenumpeyar mudiyaa
vae'ru:nin 'ru'narththin viyaapaka min'raayp
pae'rumin 'raakum emakkem peruma
iru:nila:n thee:neer iyamaanan kaalenum

15. peru:nilaith thaa'ndavam perumaa'r kilaathalin
vae'roa vudanoa vi'lampal vae'ndunj
see'ri yaru'lal si'rumai yudaiththaal
a'riyaathu koo'rinai yapakkuva pakkuvak
ku'ripaarth tharu'linang kurumutha laayenin

20. apakkuva maru'linum a'riyaen mikaththakum
pakkuvam vae'ndi'r payanilai :ninnaa'r
pakkuva mathanaa'r payan:nee varinae
:ninnaip paruvam :nikazhththaa thannoa
thannop paarili yenpathu:n thakumae

25. mummalanj sadama'nu mooppi'la maiyin:nee
:ninmalan paruvam :nikazhththiya thiyaarkkoa
u'narvezhu :neekkaththai oathiya theninae
i'naiyili yaayinai yenpathai ya'riyaen
yaanae :neekkinu:n thaanae :neekkinung

30. koanae vae'ndaa koo'ral vae'ndung
kaa'npaar yaarkol kaaddaak kaalenum
maa'npurai yu'nar:nthilai man'ra paa'ndiyan
kaedpak ki'lakku meynjgnaa naththin
aadpaa lavarkkaru'l enpathai ya'riyae.
சிற்பி