திருமுறை 6 - பதிகம் 079 - பன்னிரு திருமுறை பாட்டும் பொருளும்

ஆறாம் திருமுறை
99 பதிகங்கள், 981 பாடல்கள், 65 கோயில்கள்

079 திருத்தலையாலங்காடு


			பாடல் : 1 2 3 4 5 6 7 8 9 10

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 4

சிவனாகித் திசைமுகனாய்த் திருமா லாகிச்
செழுஞ்சுடராய்த் தீயாகி நீரு மாகிப்
புவனாகிப் புவனங்க ளனைத்து மாகிப்
பொன்னாகி மணியாகி முத்து மாகிப்
பவனாகிப் பவனங்க ளனைத்து மாகிப்
பசுவேறித் திரிவானோர் பவனாய் நின்ற
தவனாய தலையாலங் காடன் தன்னைச்
சாராதே சாலநாள் போக்கி னேனே

× 6079004பதிக வரலாறு :

சுவாமிகள் , திருவீழிமிழலை , திருவாஞ்சியம் தொழுது திருமறைக்காடு செல்பொழுதில் புனிதர்வாழ் பதிகள் பல வணங்கி அருளியவற்றுள் ஒன்று இத் திருப்பதிகம் . ( தி .12 திருநாவு . புரா . 263) குறிப்பு : இத் திருப்பதிகம் , சிவபெருமானது பெருமைகளைத் தனித் தனி நினைந்து , அப் பெருமானை அடையாது பலநாட்களை வீணே போக்கினமைக்கு இரங்கி அருளிச்செய்தது .

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

சிவனாய், நான்முகனாய்த் திருமாலாய், சூரிய சந்திரராய், தீயாய், நீராய், புவலோகமாய், புவனங்கள் யாவுமாய், பொன்னாய், மணியாய், முத்துமாய், வேண்டுமிடங்களில் வேண்டிய வாறே தோன்றுபவனாய், உயிர்கள் வாழ்தற்கேற்ற இடங்கள் யாவுமாய், இடபத்தை ஊர்ந்து திரியும் ஒரு கோலத்தை உடையனாய், தவ வேடந்தாங்கிநின்ற தலையாலங்காட்டண்ணலை அடையாமல் மிக்க நாளை வீணாள் ஆக்கினேன்.

குறிப்புரை:

` சிவனாகி ` என்றது, ` உருத்திரனாகி ` என்றபடி, ` சுடர் ` என்றது ஞாயிற்றையும் திங்களையும். புவன் - புவலோகமாய் உள்ளவன் ; இது பூலோகத்தை அடுத்து நிற்றலின் வேறு ஓதியருளினார். ` பொன்னாகி ` முதலிய மூன்றனாலும், ` செல்வமாய் உள்ளவன் ` என்றவாறு. பவன் - வேண்டும் இடங்களில் வேண்டியவாறே தோன்றுபவன். திரிவான் ஓர் பவன் - திரிபவனாகிய ஒரு கோலத்தை யுடையவன். ` நின்ற தலையாலங்காடன் ` என இயையும். தவன் - தவக்கோலம் உடையவன்.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

శివుడై, చతుర్ముఖుడై, త్రివిక్రముడై, సూర్యచంద్రాగ్నులై, జలమై, నేలయై, సకలభువనాలై, బంగారమై, మణులై, ముత్యాలై, తలచిన చోటికివెళ్లి గోచరించగలవాడు. జీవులున్న చోట్లన్నీ తానైనవాడు. తపోవేషంతో కొలువున్న తలైయాలంగాడు శివుని ఆశ్రయించక నేను ఇంతకాలం వ్యర్థంగా గడిపాను. 4

అనువాదం: డాక్టర్ గాలి గుణశేఖర్, తిరుపతి, 2024