திருமுறை 5 - பதிகம் 034 - பன்னிரு திருமுறை பாட்டும் பொருளும்

ஐந்தாம் திருமுறை
100 பதிகங்கள், 1015 பாடல்கள், 76 கோயில்கள்

034 திருநெய்த்தானம்


			பாடல் : 1 2 3 4 5 6 7 8 9 10

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 10

வலிந்த தோள்வலி வாளரக் கன்றனை
நெருங்க நீள்வரை யூன்றுநெய்த் தானனார்
புரிந்து கைந்நரம் போடிசை பாடலும்
பரிந்த னைப்பணி வார்வினை பாறுமே.

× 5034010பதிக வரலாறு :

அண்டர்பிரானின் திருக்கயிலைக் காட்சியைக்கண்டு திருவையாறமர்ந்த நாவுக்கரசர் அப்பதியினின்றும் திருநெய்த் தானம் பணிந்து பாடியருளியது இத்திருப்பதிகம் . ( தி .12 திருநா . புரா . 386.)

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

வலிமை பெற்ற தோளாற்றல் உடைய இராவணனை நீண்டவரை நெருங்கும்படித் திருவிரலையூன்றிய திருநெய்த்தானனாரை விரும்பி கைநரம்புகளோடு இசையினால் அவன் பாடுதலும் அதற்கு விரும்பிய பெருமானைப் பணிவார்களின் வினைகள் கெடும்.

குறிப்புரை:

வலிந்த தோள் - வலிமையுடைய தோள் என்க. நெருங்க - அழிய. நீள்வரை - நீண்ட கயிலாயமலை. புரிந்து - இடை விடாதுவிரும்பி. கைந்நரம்பு - கையின்கண் உளதாகிய நரம்பு. பரிந்தனை-பரிவு செய்தவனை; இரங்கியவனை. பாறும் - அழியும்.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

బలవంతుడై, భుజశక్తి కలిగిన రావణుని తన కాలి వేలును లేశమాత్రం నొక్కి అతడి శక్తిని హరించిన నెయ్‌త్తానం క్షేత్రంలోని పరమశివుని ఆశ్రయించినవారి కర్మలు పటాపంచలవుతాయి. 10

అనువాదం: డాక్టర్ గాలి గుణశేఖర్, తిరుపతి, 2024