திருமுறை 5 - பதிகம் 006 - பன்னிரு திருமுறை பாட்டும் பொருளும்

ஐந்தாம் திருமுறை
100 பதிகங்கள், 1015 பாடல்கள், 76 கோயில்கள்

006 திருஆரூர்


			பாடல் : 1 2 3 4 5 6 7 8 9 10

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 7

மட்டு வார்குழ லாளொடு மால்விடை
இட்ட மாவுகந் தேறு மிறைவனார்
கட்டு வாங்கங் கனன்மழு மான்தனோ
டட்ட மாம்புய மாகுமா ரூரரே.

× 5006007பதிக வரலாறு :

சொல்லின் அரசர் திருவாரூரில் திருத்தொண்டர் களுடன் திருநெடுந்தேவாசிரியன் முன் வந்து இறைஞ்சித் திருமாளிகை வாயில்களுட் புகுந்து , புற்றுகந்தாரைக் கண்டு கொண்டார் . தொழுதார் . விழுந்தார் . புளகம் உற்றார் . எழுந்தார் . அன்பு கூர்ந்தது . கண்களில் இடையறாப் பேரன்பு மழை பொழிந்தது . எய்தரிய கையறவால் திருப்பதிகம் அருள்செய்து அங்கிருந்தார் நாவரசர் . திருவாரூர் நிலவுமணிப்புற்றிடங்கொள் நிருத்தர் தம்மைக் காலங்களில் அணைந்து கும்பிட்டுப் ` பாடிளம் பூதத்தி னான் ` எனும் திருப்பதிகம் முதலான தமிழ் மாலைகள் சாத்திய வற்றுள் ஒன்று இத்திருப்பதிகம் . ( தி .12 பெரியபுராணம் . 219. 226.)

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

தேனொழுகும் புதுமலரணிந்த குழலாளாகிய உமையம்மையொடு பெரிய (திருமாலாகிய) விடையினை விருப்பத்தினோடு உகந்து ஏறும் இறைவனார், கட்டுவாங்கம், சுடர்ந்தெரியும் கனல், மழு, மான் எனுமிவற்றைக்கொண்ட எட்டுத் தோளராகிய திருவாரூர்ப் பெருமானே ஆவர்.

குறிப்புரை:

மட்டு - தேன். தேன் நிறைந்த பூக்கள் சூடிய என்றபடி. வார்குழல் - நீண்ட கூந்தல். மால்விடை - திருமாலாகிய இடபம். பெரிய விடை என்றும் ஆம். இட்டமா - விருப்பமாக. உகந்து - மகிழ்ந்து. கட்டுவாங்கம் - இறைவன் திருக்கரத்தேந்திய கட்வாங்கம் என்னும் ஆயுதம். கனல் மழு - சொலிக்கின்ற மழு. அட்டமாம் புயம் - எட்டுத்தோள்கள். ஆரூரர் ஆகும் ( விளங்குவார் ) என்க.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

తేనె స్రవించే కొత్త పుష్పాలను దాల్చిన కురులతో శోభిల్లే ఉమాదేవితో పరమశివుడు పెద్ద వృషభాన్ని అధిరోహించి అలరారుతున్నాడు. ఖట్వాంగంలో ప్రజ్వరిల్లే అగ్నికీలలు, పాశుపతం, జింక మొదలైనవాటిని ధరించిన అష్టభుజుడు పరమేశ్వరుడు. 7

అనువాదం: డాక్టర్ గాలి గుణశేఖర్, తిరుపతి, 2024