திருமுறை 4 - பதிகம் 066 - பன்னிரு திருமுறை பாட்டும் பொருளும்

நான்காம் திருமுறை
113 பதிகங்கள், 1070 பாடல்கள், 50 கோயில்கள்

066 திருநாகேச்சரம்


			பாடல் : 1 2 3 4 5 6 7 8 9 10

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 9

கொக்கரை தாளம் வீணை பாணிசெய் குழகர் போலும்
அக்கரை யணிவர் போலும் ஐந்தலை யரவர் போலும்
வக்கரை யமர்வர் போலும் மாதரை மையல் செய்யும்
நக்கரை யுருவர் போலும் நாகவீச் சரவ னாரே .

× 4066009பதிக வரலாறு :

நாவரசர் திருவிடைமருதூரைச் சேர்ந்து, மறிவிரவு கரத்தாரை வணங்கி வைகி வண்டமிழ்ப் பாமாலை பல மகிழச் சார்த்தித் திருநாகேச்சுரத்துப் (போய்ப்) பொறியரவம் புனைந் தாரைப் போற்றிப் புனைந்த அருந் தமிழ்மாலைகளுள் ஒன்று இத் திருப்பதிகம். (தி.12 பெரியபுராணம். 192)

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

திருநாகேச்சுரத்துப் பெருமான் கொக்கரை, தாளம், வீணை எனும் இவற்றின் தாளத்திற்கு ஏற்பக் கூத்து நிகழ்த்தும் இளையராய், சங்கு மணியை இடையில் அணிபவராய், ஐந்து தலைகளை உடைய பாம்பினை ஆட்டுபவராய், திருவக்கரைத் திருத்தலத்தில் உகந்தருளியிருப்பவராய், பெண்களை மயக்கும் திகம்பரவடிவினராய் உள்ளார்.

குறிப்புரை:

கொக்கரை, தாளம். வீணை பாணிசெய் குழகர். திருக்கூத்தாடுங்கால் இயம்பும் கருவியும், கொட்டும், தட்டும், இசைக்கும் பிறவும் திருமுறையுட் பயின்றுள. அக்கு அரை அணிவர்:- `அக்கரவம் அரைக்கசைத்த அம்மான்` தண்ணார் `அக்குலாம் அரையினர்` `அக்கு` `அக்கு ஓட்டினைச் சேய் அரைகரம் கொண்டார்` (காஞ்சிப்புராணம்). ஐந்தலை அரவர்:- `அஞ்சு கொலாம் அவர் ஆடரவின்படம்` `பத்துக்கொலாம் அவர் பாம்பின்கண் பாம்பின் பல்`. (தி.4 ப.18 பா.5, 9), வக்கரை திருவக்கரை என்னுஞ் சிவதலத்தில் எழுந்தருளி இருக்கும் நினைவு வல் + கரை - வற்கரை. மரூஉ. மாதர் - தாருக வனத்து முனிபத்தினியர். மையல் - மோகம். நக்கர் - `நக்நன்` `சொக்கலிங்கம் உண்டே துணை` (இரட்டையர் பாடல்).

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

స్వామి కొక్కెర తాళము వీణలకు తగు నటనమాడుచు
తామసమున ఐదుపడగలెత్తి ఆడు పామును ఆడించుచు
సమమగు శంఖును ఎదపై తాల్చి ఆనందమిచ్చువాడై
తా మేని దిగంబరుడై అతివలు మోహింప తిరువక్కరై వెలసె

అనువాదము: ఆచార్య సత్యవాణి, ద్రావిడ విశ్వవిద్యాలయం, కుప్పం, 2015