திருமுறை 2 - பதிகம் 030 - பன்னிரு திருமுறை பாட்டும் பொருளும்

இரண்டாம் திருமுறை
122 பதிகங்கள், 1331 பாடல்கள், 90 கோயில்கள்

030 திருப்புறம்பயம்


			பாடல் : 1 2 3 4 5 6 7 8 9 10 11

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 3	பண் : இந்தளம்

விரிந்தனை குவிந்தனை விழுங்குயி ருமிழ்ந்தனை
திரிந்தனை குருந்தொசி பெருந்தகையு நீயும்
பிரிந்தனை புணர்ந்தனை பிணம்புகு மயானம்
புரிந்தனை மகிழ்ந்தனை புறம்பயம் அமர்ந்தோய்
.

× 2030003பதிக வரலாறு :

திருவிசய மங்கையினின்றும் போந்த ஆளுடைய பிள்ளையார், திருவைகாவில் அணைந்துபாடி வழிபட்டு, இத் திருப்புறம்பயத்தைக் கண்டு மேன்மேல் விருப்புறப்பெற்று, செந்தமிழ் நிறம்பயில் இசையுடன் பாடியது இத்திருப்பதிகம்.

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

புறம்பயம் அமர்ந்த பெருமானே! எல்லாமாக விரிந்து நின்றாய்: நுண்ணியனாகக் குவிந்துள்ளாய்: ஊழிக்காலத்தில் விழுங்கிய உயிர்களை வினைப்போகத்திற்காக மீண்டும் உடலோடு உலவவிட்டாய்: உன் நிலையை விடுத்துப் பல்வகை வடிவங்கள் எடுத்துத் திரிந்தாய். குருந்தொசித்த திருமால் மோகினியாகவர அவரோடு கூடிப்பிரிந்தும் புணர்ந்தும் விளையாடினாய்: பிணம்புகும் சுடுகாட்டை விரும்பிமகிழ்ந்தாய்.

குறிப்புரை:

விழுங்கு உயிர் உமிழ்ந்தனை - இளைப்பாற்றற் பொருட்டு உடலினின்றும் பிரிக்கப்பட்ட உயிர்களை மீண்டும் அவற்றின் வினைகளைக் கழித்தற்பொருட்டு உடம்பிற்புகுத்தினாய். குருந்து ஒசி பெருந்தகை - குருந்த மரத்தை வளைத்த பெரிய தகைமையை உடையமாயன்; திருமால். மோகினி வடிவங்கொண்டு மனைவியாகிய வரலாறு காண்க. மயானம் புரிந்தனை - சுடுகாட்டை விரும்பினாய்,`கள்ளி முதுகாட்டிலாடி` `கோயில் சுடுகாடு`.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

తిరుప్పుఱంబయం ప్రాంతమున అమరియున్న ఈశ్వరా! నీవు, సకల చరాచర జీవరాసులతో కూడియున్న అఖండ విశ్వమంతా వ్యాపించియుందువు.[సర్వాంతర్యామి!] సూక్ష్మాతిసూక్ష్మమైయుందువు!
ప్రళయకాలమున, నీచే సృష్టించబడిన వానినన్నింటినీ నీలో ఐక్యమొనరించుకొని, వారి కర్మలనుండి విశ్రాంతి పొందుటకై కొద్ది సమయము విశ్రమించిన పిదప, వానికి మరుజన్మను ప్రసాదించెదవు.
నీ స్థితిని వీడి, పలువిధములైన రూపములను దాల్చి సంచరించితివి. గొప్ప ఔదార్యముగల విష్ణువు, మోహినీ రూపమును దాల్చి అరుదెంచ, ఆతనితో ఐక్యమైపోయి, విడివడి దివ్యలీలలను కాన్పరచితివి.
దహనము గావింపబడు భౌతికకాయములుండు స్మశానములలో ఆనందముతో నర్తించుటయందు మక్కువచూపువాడవు.

[అనువాదము: సశికళ దివాకర్, విశాఖపట్నం, 2011]