திருமுறை 2 - பதிகம் 012 - பன்னிரு திருமுறை பாட்டும் பொருளும்

இரண்டாம் திருமுறை
122 பதிகங்கள், 1331 பாடல்கள், 90 கோயில்கள்

012 திருக்கச்சியேகம்பம்


			பாடல் : 1 2 3 4 5 6 7 8 9 10 11

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 8	பண் : இந்தளம்

தூயானைத் தூயவா யம்மறை யோதிய
வாயானை வாளரக் கன்வலி வாட்டிய
தீயானைத் தீதில்கச் சித்திரு வேகம்பம்
மேயானை மேவுவா ரென்றலை மேலாரே.

× 2012008பதிக வரலாறு :

வேதமோடு சைவநீதி விளங்கவந்த கவுணியனார் காஞ்சியை அணைந்து , மதிற்புறத்தே சென்று சேர்ந்து வணங் கினார் . அளவற்ற தொண்டர்கள் அஞ்சலித்து வாழ்த்திய ஒலி வானளாவப் பெருகிற்று . பூமாரியும் , பொற்சுண்ணமும் புயல் போல் பொழிந்தன . காமக்கண்ணி தழுவக் குழைந்த கச்சியேகம் பரை , உருகிய அன்பு உள்ளலைப்பப் பருகிய மெய்யுணர்வி னோடும் பாடியருளிய பதிகம் இது .

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

தூயவன். தூயனவாகிய மறைகளை ஒதிய வாயினன். ஒளி பொருந்திய வாளினை உடைய இராவணனின் வலிமையை அடர்த்த, தீயேந்தியவன். குற்றமற்ற திருக்கச்சி ஏகம்பத்தில் எழுந்தருளியிருப்பவன். அவனை அடைந்து துதிப்பவர் என் தலைமேல் கொள்ளத்தக்கவர்.

குறிப்புரை:

தூயவனும், தூயனவாகிய மறைகளை ஓதியருளிய வாயவனும், வாளேந்திய அரக்கனாகிய இராவணனது வலியை வாடச்செய்த தீயவனும், தீயது இல்லாத திருக்கச்சியேகம்பத்தில் மேவியவனும் ஆகிய சிவபெருமானை விரும்பித்தொழுவார் என் தலைமேல் இருப்பவர். இத்திருப்பாட்டின் ஈற்றடிப் பொருளால், திருஞானசம்பந்தர்க்குச் சிவனடியாரிடத்திலுள்ள பத்திச் சிறப்பு விளங்கு கின்றது.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

స్వచ్ఛమైనవాడు, శ్రేష్టమైన విషయములుగల వేదములను వల్లించినవాడు,
ప్రకాశముతో కూడిన కరవాలము గల రావణుని పరాక్రమమును అణచివేసినవాడు, అగ్నిరూపమును దాల్చినవాడు,
కళంకమెరుగని తిరుకచ్చినగర ఏకంబత్తు ఆలయమందు వెలసి అనుగ్రహించుచున్నవాడు,
అయిన ఆ మహేశ్వరుని చేరుకొని, స్తుతించువారు నాయొక్క శిరస్సుపై నుంచుకొనదగువారు.

[అనువాదము: సశికళ దివాకర్, విశాఖపట్నం, 2011]