மங்கலக்குடி இறைவனை மாகாளியும், சூரியனும், விண்ணும் மண்ணும் நிகராய சங்கு, சக்கரதாரியாகிய திருமாலும், பிரமனும், அகத்தியனும் அருச்சித்தார்கள்.

மாகாளி - பெருமைக்குரியவளாகிய காளிதேவி. வெங்கதிர்ச் செல்வன் - சூரியன். விண்ணொடு மண்ணும் - தெய்வலோகத் திலுள்ளாரொடு நிலவுலகிலுள்ளவர்களும். நேர் - நேர்ந்து. சங்கு சக்கரதாரி - சங்கு சக்கரம் ஆகியவற்றைத் தரித்தவனாகிய திருமால். சதுர்முகன் - நான்முகனாகிய பிரமன். அர்ச்சித்தார் - மலர்தூவி வழிபட்டார்.