பொழிப்புரையை எழுதவில்லை

உழுவை - புலி, ஈண்டுதல் - திரளுதல். பரி இடுதல் - நடத்தல். நடத்தலைக் கூறியது, அவை வன்குணம் இன்றி அன்புடையன ஆதலைக் குறித்தற்கு. எனவே, ``பரிஇட்டு`` என்றது, `மெல்ல நடந்து` என்றதாம். சொரிதல் இலிங்கத்தின்மேல். எரி ஆடி, சிவன். உகத்தல் - விரும்புதல். `ஈங்கோய் மலையில் கொடு விலங்கு களும் தம் தன்மை நீங்கி சிவபத்தியுடன் திகழ்கின்றன` என்பதாம். கூற்றம் - யமன். திரியாமல் - தன் அடியார்மேற் செல்லாதபடி செற்றான் - அழித்தான், `அத்தகையோன் இடம் ஈங்கோய் மலை என்றார். சிலம்பு - மலை. ``செற்றான்`` என்றாராயினும், `செற்ற அவன்` என்பது கருத்தாகக் கொள்க.