பொழிப்புரையை எழுதவில்லை

கேழல் - பன்றியை. இது காட்டுப் பன்றி. உயிர் செகுத்தல் - கொல்லுதல். கேழல் சிறிதாகலின் ஒருகணையே போதியா தாயிற்று. யானை பெரிதாதலின் அதற்கு இருகணைகள் வேண்டப் பட்டன. ஆளரி - ஆளி; யாளி. அஃது யானையோடு ஒருபுடை ஒப்பது ஆதலின் யானை எய்யப் பட்டதைக் கண்டு தான் அஞ்சி ஓடுவதாயிற்று. அஃது ஓடுதலைக் கண்டு சிங்கமும் அஞ்சிற்று. அரி - சிங்கம். கோளரி, இங்கு, நரசிங்கம். ``ஒருகணையும்`` என்னும் உம்மை முற்று, ``இருகணையும்`` என்னும் உம்மை சிறப்பு. ``செகுத்து`` என்றது, `செகுத்தபின்` என்றபடி. `வேடன் எய்ய` எனத் தோன்றா எழுவாய் வருவிக்க.