அருள்மிகு வேதநாயகி உடனுறை சங்கமுகநாதர்

மரம்: இலந்தை
குளம்: பவானி முக்கூடல்

பதிகம்: பந்தார்விரன் -2 -72 திருஞானசம்பந்தர்

முகவரி: பவானி
சத்தியமங்கலம் வட்டம்
ஈரோடு மாவட்டம், 638301
தொபே. 04204 230192

வழிபடுவோருக்கு யாதொரு தீங்கும் நண்ணாத பதியாதலின் நணா என்னும் பெயர்பெற்றது. திரு அடைமொழி. இது பவாநி என்றும், காவிரியும் பவாநியும் கூடுதலால் பவாநிகூடல் என்றும் கூறப்படும். கொங்குநாட்டுத் தேவாரம் பெற்ற பதிகளில் ஒன்று. இது ஈரோடு தொடர்வண்டி நிலையத்திற்கு வடமேற்கே 13.5.கி.மீ. தூரத்தில் இருக்கின்றது. சேலம், கரூர், ஈரோடு , கோவை முதலிய நகர் களிலிருந்து பேருந்துகள் உள்ளன.

இறைவரது திருப்பெயர் சங்கமுகநாதர். இறைவியாரது திருப்பெயர் வேதநாயகி. குபேரன், விசுவாமித்திர முனிவர், பராசர முனிவர் வழி பட்டுப் பேறுபெற்றார்கள். இதுபவாநி முக்கூடல் என்னும் தீர்த்தச்சிறப் புடையது. பவாநி, காவிரி, அமுதநதி இவை ஆலயத்திற்குக் கிழக்கே கூடுகின்றன.

இவ்வாலயத்தில் தனியே ஒரு திருமால் கோயில் இருக் கின்றது. அவர் வழிபட்ட குறிப்பு ``பூமியளந்தானும் போற்றமன்னி`` என்னும் இக்கோயிலுக்குரிய ஞானசம்பந்தர் பதிகம் ஒன்பதாம் பாடல் பகுதியால் புலப்படுகிறது. இது ஞானசம்பந்தரது பதிகம் ஒன்றைப் பெற்றுள்ளது.