దట్టమైన సువాసనోపేత కురులుగల శివకామినిని దర్పముగ, ఐక్యమొనరించుకొంటివే!
దృఢమైన వృషభమునధిరోహించి వీరత్వముతో దాని శిఖరమున అమరియుంటివే!
ఎర్రనైన మేలిమి సువర్ణకవచము శోభామయమై కాంతులీన, నుదుట ధరించితివే!
సైన్యమైన భూతగణములు చుట్టూరాజేరి పాడుచుండ, ఆనందముగ నటనమాడితివే!
శ్రేష్టమైన వేదములనాలాపన చేయు బ్రాహ్మణులు వీడకనుండ, చిదంబరమున వెలసితివే!
భవ్యమైన ఈ ఐదులీలనొనర్చుటకు గల కారణమును దయతో వివరించి మమ్మనుగ్రహించవే!
[అనువాదము: సశికళ దివాకర్, 2013]