చంద్రవంకను తలలో అలంకరించుకొన్న శివుని లాగా, ఆకాశాన్నంటే ప్రహరీలు, మిద్దెలు మేడలుగల మధురా నగరంలో బియ్యపు పిండివలె వెన్నెల విరబూసిన వేళ, నేరాలను విడిచి గుణాలనే చేకొనే హంసలాగా, విబూదిని పూసు కొన్న (సేవకులు) శివభక్తులు ఎక్కువగా ఉన్న అలవాయిలో వసించే శివుడన బడే నేను పంపించే చీటి.
విషయ మేమిటంటే
‘కారు మబ్బుల కాలంలో వర్షించే మేఘంలాగా, నీవు నీ అధికార పరిధిలో కవులకు ప్రతిపలం ఆశించకుండా ఉదారస్వభావంతో సహాయం, దానం చేస్తూ, ప్రకాశించే చంద్రుని వంటి గొడుగు క్రింద చక్కగా పరిపాలిస్తూ,. యుద్ధంలో ఏనుగును నడిపించే చేరరాజును వెళ్ళి చూడు.
‘యాయ్' సంగీతాన్ని అభ్యసించే బాణభద్రుడు నీ లాగా నా మీద ప్రేమ గలిగిన వాడు. నిన్ను దర్శించ వస్తున్నాడు. అతడు సంతోషపడేటట్లు, అతడు మళ్ళీ నీ వద్దకు వచ్చే విధంగా ఈవిని ప్రదర్శించి సత్కరించి పంపించడం నీ ధర్మం’ తిరుసిట్రంపలం
అనువాదము: పేరా. మునైవర్ వి మునిరత్తినం నాయుడు (2013)