ಶ್ರೇಷ್ಠನೆಲೆಯಲ್ಲಿದ್ದುಕೊಂಡೇ ಸಾಧಾರಣ ನೆಲೆಯಲ್ಲಿಯೂ,
ಸ್ತ್ರೀಯಾಗಿರುವ ನೆಲೆಯಲ್ಲಿಯೇ ಪುರುಷನಾಗಿಯೂ, ಹೀಗೆ ಲೋಕತತ್ವಕ್ಕೆ
ವ್ಯತಿರಿಕ್ತನಾಗಿದ್ದು ನನ್ನ ಜನನ ಮರಣಗಳನ್ನು ಪರಿಹರಿಸಿದ ಶ್ರೇಷ್ಠಜ್ಞಾನ
ರೂಪಿಯೇ! ಶ್ಯಾಮಲನಾಗಿದ್ದೂ ಶ್ವೇತನಾಗಿರುವವನೆ ! ಮೀನಿನಂತಹ
ಕಣ್ಣುಗಳುಳ್ಳವಳಾಗಿ ಪರ್ವತಗಳ ಅರಸನಾದ ಹಿಮವಂತನ ಮಗಳಾದ
ಉಮಾದೇವಿಗೆ ಪ್ರೀತಿ ಪಾತ್ರನಾದವನೆ ! ಶ್ರೇಷ್ಠವಾದ ನಾಲ್ಕು ವೇದಗಳೂ
ನಿನ್ನನ್ನು (ಇದ್ದಂತೆ) ಯಥಾವತ್ ನಿಜವನ್ನರಿಯಲಸಾಧ್ಯವಾಗಿ
ಬೊಬ್ಬೆ ಹಾಕಿ ಹೊಗಳುವ ನಾಯಕನೆ ! ದೇವಮಂದಿರದಲ್ಲಿ ದರ್ಶನವನ್ನು
ತೋರುವ ಸುಧೆಯೇ ! ನೀ ಏಕಾಂಗಿಯಾಗಿದ್ದು ಸಮಸ್ತ ಚೇತನಾಚೇತನ
ವಸ್ತುಗಳಲ್ಲಿಯೂ ಸರ್ವಾಂತರ್ಯಾಮಿಯಾಗಿ ವ್ಯಾಪಿಸಿರುವ ನಿನ್ನನ್ನು
ಸೇವಕನಾದ ನಾನು ಹಲವು ಬಗೆಯಲ್ಲಿ ನನ್ನ ನುಡಿಗಳಿಂದ ಹೊಗಳುವಂತೆ
ನೀನು ನನ್ನೊಳಗಿದ್ದು ಕೃಪೆತೋರು.
ಕನ್ನಡಾನುವಾದ : ಕೆ. ಮಲರ್ ವಿಳಿ, 2010